Ես այնքան փոքր եմ քո մեծությունից
Ու այնքան չնչին ու այնքան անդեմ,
Կտրված թել եմ քո հաստ կծիկից,
Վիրավոր զինվոր՝ կորած ու անզեն։
Ես այնքան ցածր եմ քո բարձրությունից
Ու այնքան հեռու ու այնքան անշեն,
Մի մոլորված կայծ քո ջերմ կրակից
Ու անշուք պտույտ՝քո ճախրանքի դեմ։
Ես այնքան սառն եմ քո տաքությունից,
Բայց այնքան ներող ու այնքան անքեն,
Պակասող թուղթ եմ ես քո օրագրից
Ու դատարկ տետր՝քո գրքերի դեմ։
Ես այնքան չար եմ քո բարությունից,
Ու այնքան տկար ու այնքան անվեմ,
Հեռացող արև քո երկինքներից
Ու խորտակվող նավ՝ալիքներիդ դեմ։
Комментариев нет:
Отправить комментарий